Vetëm 9 ditë pas emërimit, drejtoresha e Burgjeve Sadleva Bodo nis serinë e dorëheqjeve në administratë

Ka nisur që në orët e para të mëngjesit zbatimi i urdhrit të kryeministrit Edi Rama për dorëheqjen e drejtuesve të institucioneve shtetërore. Një nga të parat që ka dorëzuar dorëheqjen është drejtoresha e Përgjithshme e Burgjeve, Sadleva Bodo, e cila ishte emëruar në këtë detyrë vetëm nëntë ditë më parë.

Bodo është paraqitur mëngjesin e kësaj të premteje në Ministrinë e Drejtësisë, ku ka dorëzuar dorëheqjen, në zbatim të kërkesës së kryeministrit të përcjellë përmes ministrit Toni Gogu.

Rasti i saj është ndër më të veçantët e kësaj vale largimesh, pasi Bodo u emërua më 14 tetor, me vendim të Këshillit të Ministrave, duke zëvendësuar Adriatik Kupin, i cili kishte dhënë dorëheqjen pas rreth shtatë muajsh në detyrë.

Vetëm nëntë ditë më vonë, edhe pasardhëses së tij i është kërkuar të ndjekë të njëjtën rrugë, pa pasur ende kohën e nevojshme për të dëshmuar rezultatet e punës së saj në krye të sistemit të burgjeve.

Dorëheqja e Bodos vjen një ditë pas mbledhjes së zhvilluar rreth orës 15:00 në Ministrinë e Drejtësisë, ku Toni Gogu u ka komunikuar drejtuesve të institucioneve në varësi kërkesën për largimin nga detyra.

Siç raportoi më herët Vox News, urdhri i Ramës përfshin drejtuesit e institucioneve të varësisë në të gjitha ministritë, nga Tatimet dhe Doganat te agjencitë shtetërore dhe kompanitë publike të sektorëve strategjikë.

Sipas informacioneve të siguruara nga Vox News, procesi i dorëheqjeve do të zhvillohet duke nisur nga ora 08:00 e kësaj të premteje dhe duhet të përfundojë deri të hënën, më 26 tetor.

Ndërkohë, mbetet ende e paqartë se çfarë do të ndodhë me drejtuesit që paraqesin dorëheqjen, nëse disa prej tyre do të rikonfirmohen në detyrë apo do të zëvendësohen me emra të rinj.

©Copyright Vox News

Ky artikull është ekskluziv i Vox News, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar Vox News dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016

Në përputhje me standarded JTI

Protestat e dhunshme, dalin sot para Gjykatës së Tiranës 16 protestues

Lexo

23 October, 10:40Aktualitet

Dogjën qëllimisht makinën e drejtoreshës të një shkolle, arrestohet 36-vjeçari dhe porositësi (EMRAT)

Lexo

23 October, 09:23Aktualitet

Rama përsërit thirrjen për dialog: Jam i gatshëm në çdo vend dhe çdo orë

Lexo

23 October, 08:41Aktualitet

Plagosi të riun në Lezhë dhe i vodhi automjetin, arrestohet në Rinas 47-vjeçari, po tentonte të largohej nga Shqipëria

Lexo

23 October, 08:27Aktualitet

Njihuni me parashikimin e motit për sot, ja zonat ku priten reshje shiu dhe sa do jenë temperaturat

Lexo

23 October, 07:39Aktualitet

“Indianët e Woltit” të strehuar në konviktet e Kamzës: Regjistrime fiktive si studentë, dyshim për trafik qeniesh njerëzore?

Lexo

22 October, 22:08Aktualitet

Partitë Popullore reagojnë për protestat në Tiranë: Zëri i të rinjve duhet të dëgjohet, por sulmet ndaj pronës të patolerueshme

Lexo

22 October, 21:45Aktualitet

Denoncimi i aktorit: Ata që thyenin dyqanet te "Rruga e Durrësit" nuk flisnin shqip me njëri-tjetrin

Lexo

22 October, 21:01Aktualitet

GJKKO shtyu sërish seancën/ Meta: Drejtësi me regji, konflikti me avokatët i orkestruar politikisht

Lexo

22 October, 19:41Aktualitet

Jo vetëm në Shqipëri, Ron Yeffet probleme edhe në Amerikë

Lexo

22 October, 19:28Aktualitet