“Jemi në Europian!” Armando Broja i bashkohet festës kuqezi nga Londra

I munguari i madh, Armando Broja i bashkohet festës kuqezi, edhe pse fizikisht nuk është në Moldavi me kuqezinjtë e tjerë.

Sulmuesi i Chelsea-t ka hedhur një “story” në Instagram me mesazhin “Jemi në Europian”.

Edhe pse nuk ka mundur të japë kontribut në këto eliminatore për fanellën kuqezi, sulmuesi i Chelsea-t konsiderohet pikë referimi për Shqipërinë në finalet e “Gjermani 2024”.

Stafi teknik dhe i gjithë ambienti kuqezi shpresojnë që Broja të marrë sa më shumë minuta te Chelsea dhe të jetë në formë maksimale për eventin e madh që do të zhvillohet verën e ardhshme.