KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Stolterberg pas takimit me Vuçiçin: Të dyja palët të përmbahen nga tensionet

19 July 2023, 20:23Kosova&Bota SHKRUAR NGA REDAKSIA VOX
Stolterberg pas takimit me Vuçiçin: Të dyja palët
Kreu i NATO-s Jens Stoltenberg në takim me presidentin serb Aleksandër Vuçiç

Sekretari i Përgjithshëm i NATO-s, Jens Stolteberg, ka thënë këtë të mërkurë  se është shumë e rëndësishme që të ulen tensionet në Kosovë, dhe që të dyja palët të përmbahen nga dhuna.

Ai i ka bërë këto deklarata pas një takimi që e ka zhvilluar me presidentin serb, Aleksandar Vuçiç.

“Ne besojmë se dialogu (mes Kosovës dhe Serbisë) duhet të rifillojë”, ka shtuar ai.

Stoltenberg ka rikujtuar se NATO-ja e ka rritur prezencën e misionit të saj në Kosovë, KFOR, për shkak të tensioneve të fundit në veri. “Ne do të vazhdojmë ta ruajmë paqen, siç e parasheh mandati ynë”, ka thënë Stoltenberg, duke shtuar se forcat e NATO-s do të jenë aty për ta kryer mandatin që e parashohin Kombet e Bashkuara.

Presidenti i Serbisë, Aleksandar Vuçiç, ka thënë se është shumë i shqetësuar rreth zhvillimeve të fundit në Kosovë, dhe i ka kërkuar NATO-s që, përmes KFOR-it, të ofrojë siguri për serbët që jetojnë aty. Sipas tij, Beogradi beson që, "veprimet e papërgjegjshme të Qeverisë së Kosovës", janë arsyeja kryesore e zhvillimeve të fundit.

Takimi mes Stoltenbergut dhe Vuçiqit është zhvilluar në ditën kur i dërguari i BE-së për dialogun Kosovë-Serbi, Mirosllav Lajçak, është takuar në Bruksel me kryenegociatorët e të dyja vendeve: Besnik Bislimin dhe Petar Petkoviçin.Takim trepalësh nuk ka pasur.

Gjatë ditës, Lajçak është thënë të jetë takuar edhe me Vuçiqin. Situata në veri të Kosovës - zonë e banuar me shumicë serbe - është tensionuar qysh në fund të majit, kur Policia e Kosovës ka asistuar kryetarët e rinj shqiptarë të Zveçanit, Leposaviqit e Zubin Potokut të hynin në ndërtesat komunale, me gjithë rezistencën e banorëve lokalë serbë. Tensionet kanë kulmuar në dhunë më 29 maj, kur protestuesit serbë në Zveçan janë përleshur me ushtarë të KFOR-it.Dhjetëra të plagosur janë raportuar nga të dyja anët.


Në përputhje me standarded JTI

Video

SHIKO KANALIN NE YOUTUBE
×