DREAM / The Prime Minister resigns and wakes up under the Parisian bridge!

 Kliko këtu për të tjera
Voxpress:

Banka e Shqipërisë rrit normën bazë të interesit

2022-03-23 17:14:52Biznes SHKRUAR NGA REDAKSIA VOX

Banka e Shqipërisë rrit normën bazë të interesit

Guvernatori i Bankës së Shqipërisë Gent Sejko ka deklaruar se Këshilli Mbikëqyrës i BSH, ka vendosur rritjen me 0.5 pikë përqindje të normës bazë së interesit, nga niveli 0.5% në nivelin 1.0%., mbajtjen e normës së interesit të depozitës një ditore, në nivelin aktual prej 0.1%, rritjen e normës së interesit të kredisë njëditore, nga niveli 0.9% në nivelin 1.9%.

“Politika jonë monetare ka qenë në pozita tejet stimuluese gjatë dy viteve të fundit. Ajo ka synuar nxitjen e kërkesës agregate gjatë pandemisë, si një parakusht për respektimin e objektivit tonë të inflacionit. Kjo politikë ka rezultuar e suksesshme në misionin e saj.

Megjithatë, goditja aktuale e ofertës dhe fortësia e kërkesës agregate, rrezikojnë të cenojnë objektivin tonë të stabilitetit të çmimeve në afatin e mesëm.

Duke gjykuar mbi sa më sipër, Këshilli Mbikëqyrës i Bankës së Shqipërisë vendosi:

Rritjen me 0.5 pikë përqindje të normës bazë së interesit, nga niveli 0.5% në nivelin 1.0%.

Mbajtjen e normës së interesit të depozitës një ditore, në nivelin aktual prej 0.1%;

Rritjen e normës së interesit të kredisë njëditore, nga niveli 0.9% në nivelin 1.9%.

Këshilli Mbikëqyrës vëren se – edhe pas kësaj lëvizjeje – qëndrimi i politikës monetare vijon të jetë stimulues për rritjen e ekonomisë, të punësimit dhe të pagave. Në realitetin e ri, ky qëndrim ofron një balancë më të mirë midis rrezikut të përshpejtimit të inflacionit dhe rrezikut të dëmtimit të rimëkëmbjes ekonomike”, tha Gent Sejko.


Në përputhje me standarded JTI

Video

SHIKO KANALIN NE YOUTUBE
×