Valiev shpallet kampion Europe në mundje, dy medalje për Shqipërinë

Mundësi i Shqipërisë, Chermen Valiev është shpallur kampion i Europës, në peshën deri në 74kg.

Sportisti kuqezi mposhti në finale rusin Sidakov, me rezultatin 4-2.

Sukses i rëndësishëm për Valiev, i cili pas medaljes së Bronztë në Olimpiadën e Parisit, bëhet dhe kampion Europe për Shqipërinë, duke marrë medaljen e artë.

Më herët, mundësi tjetër i Shqipërisë, Zelimkhan Abakarov, fitoi medaljen e bronzit në Europianin që po mbahet në Bratislavë të Sllovakisë.

Në peshën deri 61kg, Abakarov triumfoi në finalen për medaljen e bronzit ndaj moldavit Colesnic, me një fitore të pastër 11-0.