TË PAPËRGJEGJSHËM / Pemë ullinjsh shekullorë ndezin zjarr për t’u ngrohur, policia: Do ndiqen pemalisht!

 Kliko këtu për të tjera
Voxpress:

Shitet në ankand topi i “Dorës së Zotit”! (Shifra e frikshme)

25 Gusht 2026, 10:54Sport SHKRUAR NGA REDAKSIA VOX
Diego Maradona

Topi i futbollit me të cilin Diego Maradona shënoi golin e famshëm me “Dorën e Zotit” në Kupën e Botës 1986 është shitur në ankand për 3,3 milionë dollarë.

Legjenda argjentinase e goditi topin me dorë, duke e kaluar mbi portierin Peter Shilton, në fitoren 2-1 të Argjentinës ndaj Anglisë në çerekfinale.

Pas ndeshjes, ai u tha gazetarëve se goli ishte shënuar “pak me kokën e Maradonës dhe pak me dorën e Zotit”.

Mediat bëjnë me dije se vlera e këtij topi është e rrallë, sepse është i vetmi që ekziston nga ajo ndeshje ikonike.

Tuniziani Ali Bin Nasser, i cili ishte arbitri i ndeshjes, e mori topin Adidas Azteca dhe e mbajti për më shumë se tre dekada.

Në vitin 2023, ai nënshkroi një deklaratë për të konfirmuar se ky ishte i vetmi top i përdorur gjatë ndeshjes.

Bin Nasser e shiti topin në vitin 2022 për 2,3 milionë dollarë.

Pronari i ri e nxori sërish në ankand në vitin 2023, por topi nuk u shit, pasi ofertat nuk arritën vlerën minimale të përcaktuar.

Fanella e veshur nga Maradona gjatë së njëjtës ndeshje u shit për 9,7 milionë dollarë në ankand në vitin 2022.


Në përputhje me standarded JTI

Video

SHIKO KANALIN NE YOUTUBE
×