KRYENGRITJA/ Rebelohen deputetët e PS-së, marrin zvarrë të Gjatin të votojë ndarjen territoriale!

 Kliko këtu për të tjera
Voxpress:

Gjenerali i lartë amerikan: E vështirë që Ukraina ta fitojë luftën

17 November 2022, 20:25Kosova&Bota SHKRUAR NGA REDAKSIA VOX
Gjenerali i lartë amerikan: E vështirë që Ukraina ta
Gjenerali i lartë amerikan, Mark Milley

Dy ditë pas bombardimeve më intensive që prej fillimit të luftës, sulme të reja u raportuan në Ukrainë. Një impiant gazi dhe një fabrikë e prodhimit të raketave në Dnipro ishin mes shënjestrave të fundit. Një zjarr i madh përfshiu fabrikën, duke lënë të plagosur 14 persona.

Pas disfatave të vazhdueshme në fushëbetejë, Moska po e përqendron fushatën e agresionit tek infrastruktura kritike.

Në një deklaratë, gjenerali i lartë amerikan, Mark Milley, tha se pavarësisht zmbrapsjes së Moskës nga disa territore, ka pak gjasë për një fitore të afërt të Ukrainës.

“Objektivi ushtarak i Ukrainës për ta dëbuar plotësisht Rusinë nga Ukraina, përfshirë edhe Krimenë, është i vështirë të arrihet dhe nuk pritet të ndodhë në të ardhmen e afërt”, tha ai.

Gjenerali pranon megjithatë, se mund të ketë një zgjidhje politike në tryezën e negociatave, me Rusinë që mund të merrte vendimin për t’u tërhequr.

Volodymyr Zelensky ka paraqitur një plan me 10 pika për paqen me Rusinë, që parashikon ndër të tjera tërheqjen e plotë të trupave pushtuese.

Por Kremlini i cilëson kushtet të papranueshme dhe në një deklaratë të enjten, theksoi se Uashingtoni është në gjendje të ushtrojë ndikimin e vet te Kievi duke e bërë më fleksibël. 

 


Në përputhje me standarded JTI

Video

SHIKO KANALIN NE YOUTUBE
×