ËNDRRA / Kryeministri jep dorëheqjen dhe zgjohet poshtë urës pariziene!

 Kliko këtu për të tjera
Voxpress:

FOTO / Anija e konteinerëve i hyn në shtëpi norvegjezit

23 May 2025, 15:28Kosova&Bota SHKRUAR NGA REDAKSIA VOX
FOTO / Anija e konteinerëve i hyn në shtëpi norvegjezit
Anija Norvegji

Një burrë në Norvegji u zgjua për të parë sesi një anije e madhe kontejnerësh ishte përplasur në kopshtin e banesës së tij, duke i shpëtuar për pak shtëpisë.

Anija 135 metra e gjatë "NCL Salten" u përplas në orën 5 të mëngjesit të enjten, pasi hyri në fjordin e Trondheimit në Norvegjinë qendrore.

Anija, e cila thuhet se po udhëtonte me 16 nyje (rreth 30 km/orë), u drejtua drejt shtëpisë së Johan Helberg në Byneset, pranë Trondheimit, duke i shpëtuar shtëpisë së tij vetëm për disa metra.

Nuk është ende e qartë se çfarë e shkaktoi aksidentin.

Helberg po flinte gjatë incidentit dhe u njoftua për vizitorin e papritur vetëm kur një fqinj i panikuar i ra disa herë ziles së derës.

"Zilja e derës ra në një kohë të ditës kur nuk më pëlqen ta hap," tha Helberg për kanalin televiziv TV2.

Jostein Jorgensen, fqinji i tij, tha se u zgjua nga zhurma e një anijeje që po shkonte me shpejtësi të plotë drejt tokës dhe vrapoi menjëherë drejt shtëpisë së Helberg.

"Isha i sigurt se ai ishte tashmë jashtë, por jo, nuk kishte asnjë shenjë jete. I rashë ziles së derës shumë herë dhe asgjë... Dhe vetëm kur e thirra në telefon arrita ta kontaktoja," tha Jorgensen për TV2.

Helberg tha për anijen: "Është një fqinj i ri shumë i rëndë, por do të ikë së shpejti."

Asnjë nga 16 anëtarët e ekuipazhit nuk u lëndua në incident dhe policia norvegjeze po heton mbi shkaqet.

Anija mbeti në kopshtin e Helberg të enjten në mëngjes pasi përpjekja e parë për ta hequr atë ishte e pasuksesshme. Një përpjekje e dytë do të zhvillohet të enjten në mbrëmje gjatë baticës së lartë.

Galeria fotografike (
)


Në përputhje me standarded JTI

Video

SHIKO KANALIN NE YOUTUBE
×