Nga pista në auditor, kampioni Gentjan Shaqiri frymëzon gjeneratën e ardhshme

Ditën e djeshme, Fakulteti i Ekonomisë në Universitetin e Tiranës u shndërrua në një festë, teksa Gentjan Shaqiri, kampioni i Formula 3, i sapokurorëzuar nga Federata Ndërkombëtare Automobilistike, në kategorinë “Hill Climb”.

Kurorëzimi i kampionit shqiptar i dha fund dominimit dhjetëvjeçar në kampionat të i Laszlo Szasz, duke u vendosur përkrah legjendës së garave, Christian Merli, kampion i vitit 2020. Pas suksesit të tij qëndron modeli Renault Tatuus 2000, një makinë garash ultra e lehtë dhe e fuqishme, e ndërtuar për shpejtësi dhe precizion. Me një motor 2.0L Renault F4R, prodhon 200-220 kuaj fuqi, duke arritur 0-100 km/h në vetëm 3.5 sekonda, me një shpejtësi maksimale prej 230-250 km/h. E pajisur me kambio sekuenciale 6-she me paddle shift, suspension push-rod me dy krahë dhe frena me disqe të ventiluara, kjo makinë ofron kontroll dhe manovrueshmëri të jashtëzakonshme.

Triumfi i Shaqirit nuk është vetëm një moment historik në motorsportin - është një shembull i disiplinës, saktësisë dhe përmirësimit të vazhdueshëm. “Qoftë në gara apo në jetë, shpejtësia nuk është asgjë pa kontroll, strategji dhe njohuri. Kjo është arsyeja pse edukimi financiar është vendimtar”, tha Shaqiri para audiencës.

Ky event nuk kishte të bënte vetëm me festimin e motorsportit; aty gjithashtu u shpall një bashkëpunim mes Gentjan Shaqirit, Fakultetit të Ekonomisë dhe platformës “iutech” nga iute, duke nisur serinë e leksioneve të hapura mbi Fintech, që synon të pajisë studentët me njohuri të botës reale mbi fintech, transformimin dixhital dhe menaxhimin financiar.

Dekani i Fakultetit e përshëndeti këtë iniciativë, duke theksuar vlerën e integrimit të njohurive praktike financiare në programet akademike.

"Me shembullin e Gentjanit dhe me këtë bashkëpunim, ne po u japim studentëve mjetet për të lundruar në ekonominë dixhitale në zhvillim," tha ai.