Aksident në aksin Klos-Burrel, furgoni përplas për vdekje të miturin

Një fëmijë, vetëm 4 vjeç, ka ndërruar jetë pasi është përplasur nga një furgon në aksin rrugor Klos-Burrel.

Aksidenti ndodhi pasditen e sotme, por i mituri ndërroi jetë pak orë më pas në spital.

Burime nga Spitali i Traumës konfirmojnë se i mituri u dërgua me plagë të rënda në trup dhe fatkeqësisht nuk mundi të mbijetojë.

Drejtuesi i furgonit është shoqëruar në Komisariat për veprime të mëtejshme, ndërsa grupi hetimor po punon për zbardhjen e shkaqeve dhe rrethanave të aksidentit.