TË PAPËRGJEGJSHËM / Pemë ullinjsh shekullorë ndezin zjarr për t’u ngrohur, policia: Do ndiqen pemalisht!

 Kliko këtu për të tjera
Voxpress:

“A të mjerët ne”, momenti i dhimbshëm kur prindërit hyjnë në dhomën e 2 djemve të vrarë (VIDEO)

28 Shkurt 2023, 18:33Aktualitet SHKRUAR NGA REDAKSIA VOX
Edmond dhe Xhovani Gocaj

Emisioni "Uniko" ka trajtuar historinë e masakrës së Velipojës të 27 Qershorit 2021, kur 4 persona mbetën të vrarë dhe 2 të tjerë të plagosur.

Në emision kanë folur prindërit e vëllezërve Edmond dhe Xhovani Gocaj, të cilët u vranë në konfliktin me armë për ndarjen e zonave të vendosjes së çadrave në plazh. Krimi ndodhi në hotelin e familjes Gocaj në Velipojë.

Prindërit kanë hyrë pas shumë kohësh në dhomën e hotelit të tyre ku qëndronin djemtë. Valixhet, rrobat dhe sendet e tyre kanë mbetur të palëvizura prej Qershorit 2021 kur ndodhi ngjarja.

Edhe hoteli i familjes Gocaj qëndron i mbyllur që nga ajo kohë. Dy prindërit nuk e vazhdojnë më aktivitetin e hotelerisë. Biznesit i është vënë kyçi.

“M’i vranë dy djemtë për 10 metra çadra”, thotë mes lotësh mamaja e vëllezërve Gocaj.

Konflikti në atë kohë nisi me familjen Verracaku, të cilët kanë gjithashtu hotel në Velipojë.

Këta të fundit kishin shkuar në hotelin e familjes Gocaj, që ndodhet pak metra larg biznesit të tyre, për t’u sqaruar për ndarjen e parcelave në plazh. Por sherri degradoi në përdorimin e armëve dhe mbetën të vrarë dy vëllezërit Edmond dhe Xhovani Gocaj e kamarieri i tyre Myzerim Zeneli.

Ndërsa nga pala tjetër mbeti i vrarë Kujtim Verracaku dhe u plagosën Hasan Verracaku dhe Elmilind Dyli.


Në përputhje me standarded JTI

Video

SHIKO KANALIN NE YOUTUBE
×